9 сәуірде Әлеуметтік педагог 11 сынып оқушыларымен "Мемлекеттік қызмет: жаңа ұрпақ үшін мүмкіндіктер" және "Мемлекеттік қызмет кәсіби таңдау ретінде"тақырыптарында дөңгелек үстел өткізді.

Іс-шараның мақсаты-білім алушылардың кәсіби қызметтің перспективалық бағыты ретінде мемлекеттік қызмет туралы түсініктерін қалыптастыру, қоғам мен мемлекетке қызмет етуге қызығушылықтарын дамыту, сондай-ақ болашақ мамандықты саналы түрде таңдауға жәрдемдесу.

Дөңгелек үстел барысында оқушылар мемлекеттік қызметтің ерекшеліктерімен, оның негізгі қағидаттарымен және мамандарға қойылатын талаптармен танысты. Осы салада білім алу және мансап құру мүмкіндіктері қарастырылды. Мемлекеттік қызметшілердің жауапкершілігі, құқықтық сауаттылығы, азаматтық ұстанымы және кәсіби этикасы мәселелеріне ерекше назар аударылды.

Іс-шара диалог түрінде өтті: оқушылар сұрақтар қойды, өз пікірлерін білдірді, мемлекеттік құрылымдардағы жұмыстың перспективалары мен артықшылықтарын талқылады.

Соңында қатысушыларға кәсіби өзін-өзі анықтау, жеке қасиеттерін дамыту және белсенді азаматтық ұстанымды қалыптастыру бойынша ұсыныстар берілді.