21 қазанда «Балалар мен жасөспірімдер арасындағы құқық бұзушылықтардың алдын алу» және «Вейп. Ол жасөспірім үшін несімен қауіпті?» тақырыптарында ата-аналар жиналысы өтті.

Әлеуметтік педагог электронды темекіні қолданудың зияны, тәуелділік қаупі және жасөспірімдердің денсаулығына ықтимал салдары туралы айтып берді.

Учаскелік полиция инспекторы А.С. Сакашов балалар мен жасөспірімдер арасындағы құқық бұзушылықтардың алдын алу мәселелерін түсіндірді. Сондай-ақ кәмелетке толмағандардың вейп қолдануына және оны таратуға байланысты заңнамада көзделген жауапкершілікке тоқталды.

Директордың тәрбие ісі жөніндегі орынбасары ата-аналармен бірлесіп өткізілетін осындай кездесулер құқық бұзушылықтардың алдын алуға, қауіптерді дер кезінде байқауға және балаларға қолдау көрсетуге көмектесетінін атап өтті.

Отбасы, мектеп және полицияның өзара ынтымақтастығы балалардың қауіпсіздігін қамтамасыз етуде маңызды рөл атқарады.